Культурная спадчына — гэта не проста старыя камяні або фальклор. Спадчына — гэта сэнсы, якія ствараюцца сёння
Магістарская праграма “Развіццё культурнай спадчыны” рыхтуе высокакваліфікаваных спецыялістаў у галіне гуманітарных навук, здольных раскрываць патэнцыял культурнай спадчыны і садзейнічаць сацыяльным пераўтварэнням у Еўропе і за яе межамі.
Калі вас цікавяць гэтыя пытанні, наша магістарская праграма — выдатнае месца, каб разабрацца з імі. Для гэтага ў нас ёсць супольнасць аднадумцаў, прызнаныя міжнародныя даследчыкі і эксперты, разнастайная сетка акадэмічных і інстытуцыйных партнёраў.
Наша праграма — гэта своеасаблівая лабараторыя даследаванняў і праектаў. Музеі, архітэктура, народныя традыцыі, канфлікты памяці і ідэнтычнасці, а таксама нядаўна ўсвядомленыя культурныя каштоўнасці сустракаюцца тут з сучасным мастацтвам, лічбавымі трансфармацыямі, сацыяльнымі тэхналогіямі і нават праблемамі вайны і міру. Кожны магістрант прыўносіць цікавую для яго/яе праблематыку, і ўсе разам мы шукаем ключ да яе глыбокага разумення і эфектыўнага рашэння. Апроч даследаванняў, усе магістранты рэалізуюць уласныя практычныя праекты.
Асаблівасці праграмы
Акадэмічная ступень:
Магістр гуманітарных навук
Мова навучання: ангельская
Нацыянальны код адукацыйнай праграмы: 6211NX065
Форма навучання: пастаянная (вочная) форма (HR), змешаны фармат
Працягласць: 1,5 гады (3 семестра)
Пачатак навучання: 1 кастрычніка 2026 г.
Кошт навучання (за семестр):
1570 еўра для грамадзян і рэзідэнтаў Беларусі,
2120 еўра для замежных студэнтаў.
Стыпендыі ды гранты: магчымасць 100% пакрыцця навучання. Больш інфармацыі па спасылцы.
Прыём дакументаў:
з 7 красавіка па 9 жніўня 2026 г.
Кар’ерныя перспектывы
Выпускнікі праграмы запатрабаваны ў музейнай, даследчай і культурна-крэатыўнай сферах, у міжнародных і лакальных арганізацыях, якія рэалізуюць культурныя праекты і ініцыятывы
Чаму варта абраць гэтую праграму?
- Новае бачанне культурнай спадчыны — развіццё кампетэнцый, якія дазваляюць раскрыць змястоўны і сацыяльна-эканамічны патэнцыял культурнай спадчыны.
- Практычная арыентацыя — праграма арыентавана на рэальныя праекты, забяспечваючы практычныя навыкі для паспяховай прафесійнай дзейнасці ў дзяржаўных, прыватных і міжнародных структурах.
- Гнуткасць фармату навучання — рэгулярныя заняткі ў вячэрні час і анлайн-модулі для камфортнага сумяшчэння з працай.
- Вопыт у культурных сталіцах Еўропы — непасрэднае вывучэнне і аналіз падыходаў да развіцця спадчыны ў еўрапейскіх культурных цэнтрах.
- Эксперыментальная праектная лабараторыя — сумяшчэнне даследаванняў і практыкі, рэалізацыя ўласных творчых і прадпрымальніцкіх праектаў.
- Міжнароднае акадэмічнае асяроддзе — навучанне і праца ў атмасферы, якая адпавядае высокім еўрапейскім стандартам.
- Магчымасць удзелу ў праграмах міжнароднага абмену — праграма адкрывае доступ да міжнародных курсаў і ўдзелу ў акадэмічных абменах (Erasmus+, DAAD, Bard College Network), лекцый выкладчыкаў і экспертаў з вядучых універсітэтаў Еўропы і ЗША.
Пасля завяршэння праграмы выпускнікі могуць працаваць:
- Куратарамі — арганізацыя і суправаджэнне выставачных і культурных праектаў у музеях, галерэях і культурных цэнтрах.
- Даследчыкамі і аўтарамі навуковага і навукова-папулярнага кантэнту — правядзенне даследаванняў, падрыхтоўка публікацый і прэзентацый у галіне культуры і спадчыны.
- Незалежнымі экспертамі-кансультантамі — ацэнка культурных праектаў, кансультаванне па пытаннях іх рэалізацыі і развіцця.
- Мэнэджарамі культурных стартапаў — стварэнне і кіраўніцтва ўласнымі прадпрымальніцкімі праектамі ў сферы культуры.
- Экскурсаводамі і гідамі-перакладчыкамі — рэалізацыя культурных і турыстычных праграм.
- PR і SMM-мэнэджарамі — прасоўванне культурных і крэатыўных праектаў у сацыяльных сетках і медыяасяроддзі.
- Акадэмічная кар’ера — магчымасць атрымаць дактарантуру (PhD), праводзіць даследаванні ў галіне міжнароднай спадчыны ў вядучых універсітэтах.
Патрабаванні да абітурыентаў
Залічэнне на магістарскія праграмы праводзіцца без уступных іспытаў, на падставе матывацыйнай гутаркі і пацверджання ўзроўню англійскай мовы (B2 або вышэй)
Паступленне на магістарскія праграмы адбываецца без уступных іспытаў, на падставе матывацыйнай гутаркі і пацвярджэння валодання англійскай мовай на ўзроўні B2 або вышэй.
Калі вы не ведаеце, з чаго пачаць, азнаёмцеся з пакрокавай інструкцыяй па паступленні ў магістратуру ЕГУ.
Кантакты
Грамадская ўстанова «Еўрапейскі гуманітарны ўніверсітэт»
Savičiaus g. 17, Vilnius, 01126 Vilniaus m. sav.
Email:
curator.heritage@ehu.ltdep.humanities-arts@ehu.lt
consult@ehu.lt