Еўрапейская спадчына і крэатыўны турызм

На матэрыяле культурнай спадчыны Беларусі, Літвы і іншых краін Еўропы мы рыхтуем менеджараў культуры і спецыялістаў у крэатыўным турызме, здольных ствараць уласныя аўтарскія прадукты і ўвасабляць іх у жыццё.

Наша праграма ставіць найважнейшыя пытанні сучаснасці. Ці валодае Беларусь культурнай і гістарычнай суб’ектнасцю? Што такое еўрапейскі культурны кантэкст? І як выкарыстоўваць інтэлектуальную традыцыю Еўропы сёння? Як, працуючы са спадчынай, праектаваць будучыню?

Крэатыўны турызм заснаваны на стварэнні ўнікальнага эмацыйнага і культурнага вопыту, які чалавек атрымлівае ў працэсе падарожжа. Таму кожны турыстычны прадукт у крэатыўным турызме ствараецца як унікальны.

Сёння крэатыўны турызм — дынамічны сегмент сусветнага рынку турызму, які расце дзякуючы гатоўнасці спажыўцоў плаціць за арыгінальны прадукт. Ва ўмовах глабалізацыі і цыфравізацыі ён становіцца ўсё больш папулярным.

Такім чынам, мы вучымся разумець і ўключаць спадчыну ў разнастайныя кантэксты сучаснасці, даследуючы яе эканамічны, сацыяльны і экалагічны патэнцыялы. Для нашых студэнтаў спадчына — гэта спосаб рэалізаваць сябе ва ўнікальных праектах, шлях да пошуку сябе як Аўтара, аснова кар’ернага поспеху і капіталізацыі свайго таленту.

Чаму варта выбраць гэтую праграму?

• Навыкі прасоўвання і выкарыстання спадчыны — мы раскрываем магчымасці выкарыстання культурнага, сацыяльнага, эканамічнага і экалагічнага патэнцыялу спадчыны.
• Развіццё прадпрымальніцкіх кампетэнцый у культуры — студэнты асвойваюць культурны менеджмент, маркетынг і бізнес-стратэгіі для стварэння аўтарскіх прадуктаў у галіне культурнай спадчыны і турызму. Больш за 20 гадоў супрацоўніцтва з турыстычнымі арганізацыямі даюць магчымасць знаёміцца з актуальнымі трэндамі рынку, пашыраць прафесійныя сувязі і знаходзіць кар’ерныя перспектывы на міжнародным узроўні.
• Глыбокія веды ў сферы гісторыі культуры — студэнты атрымліваюць магчымасць вывучаць курсы па гісторыі, музеялогіі, антрапалогіі і гісторыі мастацтваў.
• Развіццё крэатыўнага мыслення — праграма арыентавана на фарміраванне навыкаў пошуку новых арыгінальных ідэй і знаходжання нестандартнага падыходу да вырашэння задач.
• Практычная накіраванасць — стажыроўкі ў музеях, архівах і даследчых цэнтрах у краінах Еўропы, удзел у экспедыцыях і міжнародных праектах.
• Вывучэнне замежных моў – навучанне пачынаецца на рускай мове з інтэнсіўным вывучэннем ангельскай і паступовым пераходам да курсаў, якія выкладаюцца на ангельскай мове. Акрамя таго, студэнты будуць вывучаць літоўскую мову і нямецкую/французскую мову, што пашырыць іх кар’ерныя і акадэмічныя магчымасці ў краінах ЕС.
• Гнуткасць і індывідуальная траекторыя — магчымасць самастойна фармаваць навучальны план, спецыялізавацца ў розных галінах культурнай спадчыны, турызму і крэатыўных індустрый.
• Магчымасць удзелу ў праграмах міжнароднага абмену — праграма адкрывае доступ да міжнародных курсаў і ўдзелу ў акадэмічных абменах (Erasmus+,  DAAD, Bard College Network), лекцыям выкладчыкаў і экспертаў з вядучых універсітэтаў Еўропы і ЗША.