Дактарантура па філасофіі ў ЕГУ — гэта магчымасць паглыбленага даследавання філасофіі ў еўрапейскім акадэмічным кантэксце
Праграма была адкрыта ў 2011 годзе ў партнёрстве з Універсітэтам Вітаўта Вялікага (VDU, Каўнас) і Літоўскім інстытутам даследавання культуры (Вільнюс) і спалучае еўрапейскія гісторыка-філасофскія традыцыі з гнуткай міждысцыплінарнай арыентацыяй. Гэта дазваляе дактарантам глыбока аналізаваць актуальныя праблемы сучаснага чалавека і грамадства ў кантэксце філасофіі, сацыяльных і палітычных навук.
Падчас навучання дактаранты праводзяць даследаванні, публікуюць навуковыя артыкулы, удзельнічаюць у канферэнцыях і акадэмічных праектах. Па выніках абароны дысертацыі прысуджаецца ступень доктара гуманітарных навук, якая прызнаецца ў Еўрапейскім саюзе.
Асаблівасці праграмы
Акадэмічная ступень:
Доктар філасофіі (PhD)
Мова навучання: ангельская
Нацыянальны код адукацыйнай праграмы:
H 001
Тэрмін навучання:
4 гады (8 семестраў) (Сталая (дзённая) форма)
6 гадоў (12 семестраў) (Сталая (завочная) форма)
Пачатак навучання: 1 кастрычніка 2026 г.
Кошт навучання (за семестр):
€1500 еўра для грамадзян і рэзідэнтаў Беларусі,
€2100 еўра для замежных студэнтаў.
Стыпендыі ды гранты: магчымасць 100% пакрыцця навучання. Больш інфармацыі па спасылцы.
Прыём дакументаў:
з 7 красавіка па 9 жніўня 2026 г.
Кар’ерныя перспектывы
Выпускнікі філасофскай праграмы могуць займацца навукова-даследчай, выкладчыцкай і аналітычнай дзейнасцю ва ўніверсітэтах, даследчых інстытутах, міжнародных арганізацыях і аналітычных цэнтрах, удзельнічаючы ў распрацоўцы адукацыйных, гуманітарных і грамадскіх праектаў
Пасля завяршэння праграмы выпускнікі могуць працаваць:
- Даследчыкам і выкладчыкам – праца ва ўніверсітэтах, даследчых інстытутах і акадэмічных цэнтрах, правядзенне лекцый, удзел у навуковых праектах.
- Аналітыкам у міжнародных арганізацыях – распрацоўка стратэгій і аналітычных матэрыялаў у галіне філасофіі, этыкі, палітыкі і гуманітарных даследаванняў.
- Экспертам у аналітычных цэнтрах – праца з дадзенымі, прагназаванне сацыяльных і палітычных працэсаў, удзел у распрацоўцы грамадскіх ініцыятыў.
- Акадэмічная кар’ера – падрыхтоўка навуковых публікацый, удзел у стварэнні адукацыйных і асветніцкіх праграм.
Патрабаванні да абітурыентаў
Залічэнне на праграму «Філасофія» адбываецца на аснове праекта навуковага даследавання і матывацыйнага сумоўя
Дысертацыйныя даследаванні праводзяцца ў дактарантуры па наступных напрамках:
Сучасная кантынентальная філасофія:
- Найважнейшыя мысліцелі, праблемы, метады кантынентальнай філасофіі;
- Кантынентальная філасофія: даследаванні сімвалічных формаў мыслення і філасофскай антрапалогіі;
- Даследаванні маральнага ўяўлення;
- Праблема часу ў кантынентальнай філасофіі;
- Новыя анталогіі.
Сучасная сацыяльная і палітычная філасофія:
- Сучасная сацыяльная філасофія;
- Сучасная філасофія і біяпалітыка;
- Сацыяльныя практыкі, палітычны дыскурс і суб’ектыўнасць у стагоддзі тэхналогій;
- Сацыяльныя і этычныя трансфармацыі ва ўмовах глабалізацыі;
- Ідэя Еўропы і яе філасофскае абгрунтаванне.
На навучанне ў дактарантуру прымаюцца асобы, якія маюць ступень магістра (або дыплом аб вышэйшай адукацыі).
Кантакты
Грамадская ўстанова «Еўрапейскі гуманітарны ўніверсітэт»
Savičiaus g. 17, Vilnius, 01126 Vilniaus m. sav.
Email:
curator.heritage@ehu.ltconsult@ehu.lt