Канцэптуальны дызайн і сучаснае мастацтва

Магістарская праграма "Канцэптуальны дызайн і сучаснае мастацтва" накіравана на асваенне сучасных міждысцыплінарных практык візуальнага мастацтва і фарміраванне ў студэнтаў індывідуальнага творчага падыходу

Праграма ўключае распрацоўку мастацкіх праектаў у розных жанрах, работу з эксперыментальнымі і наватарскімі тэхнікамі, а таксама практычныя даследаванні ў міжнародным асяроддзі.

Студэнты атрымліваюць магчымасць узаемадзейнічаць з экспертамі і мастакамі з Беларусі, Літвы, Францыі, Эстоніі, Партугаліі і Ізраіля, удзельнічаць у майстар-класах і праходзіць навучанне ў рамках палявых школ у Вільнюсе, Фларэнцыі і Афінах.

Чаму варта абраць гэтую праграму?

• Міжнародны ўзровень выкладання — узаемадзеянне з мастакамі і даследчыкамі з еўрапейскіх краін і Ізраіля, знаёмства з актуальнымі трэндамі і тэхнікамі сучаснага мастацтва.
• Міждысцыплінарнасць — інтэграцыя розных форм і жанраў візуальнага мастацтва ў навучальны працэс, якая дазваляе развіваць крэатыўнасць і ўнікальную мастацкую мову.
• Гнуткасць фармату навучання — рэгулярныя заняткі ў вячэрні час і анлайн-модулі для камфортнага сумяшчэння з працай.
• Практычная скіраванасць — магчымасць рэалізацыі індывідуальных мастацкіх праектаў пад кіраўніцтвам вопытных выкладчыкаў і куратараў.
• Палявыя школы і міжнародныя праекты — выязныя візуальныя даследаванні ў вядучых культурных цэнтрах Еўропы (Вільня, Фларэнцыя, Афіны), якія садзейнічаюць пашырэнню творчага кругагляду і прафесійнага вопыту.
• Эксперыментальныя майстар-класы — асваенне наватарскіх тэхнік і падыходаў у мастацтве праз практычныя заняткі з прызнанымі спецыялістамі.
• Магчымасць удзелу ў праграмах міжнароднага абмену – праграма адкрывае доступ да міжнародных курсаў і ўдзелу ў акадэмічных абменах (Erasmus+), лекцый выкладчыкаў і экспертаў з вядучых універсітэтаў Еўропы і ЗША.