Медыя і камунікацыя

Бакалаўрская праграма «Медыя і камунікацыя» рыхтуе высокакваліфікаваных спецыялістаў у галіне журналістыкі, PR, медыяменеджменту, аўдыёвізуальнай вытворчасці, даследаванняў медыя і крэатыўных індустрый.

Мэта праграмы – падрыхтоўка спецыялістаў у сферы аўдыёвізуальных камунікацый, медыя вытворчасці, даследаванняў медыя і крэатыўнай індустрыі, якія валодаюць глыбокімі тэарэтычнымі ведамі, развітымі аналітычнымі і творчымі здольнасцямі, а таксама практычнымі навыкамі, неабходнымі для прафесійнай працы ў медыясферы. Праграма таксама арыентавана на фарміраванне кампетэнцый для правядзення даследаванняў у галіне лічбавых медыя і аўдыёвізуальнай культуры сучаснага грамадства.

Чаму варта выбраць гэтую праграму?

• Навучанне спалучае глыбокую тэарэтычную базу, практычныя навыкі і прафесійныя кампетэнцыі, якія адпавядаюць сучасным адукацыйным стандартам і актуальным трэндам развіцця медыяіндустрыі і рынку працы на лакальным і глабальным узроўнях.
• Навучальны працэс праходзіць на базе Медыя цэнтра ЕГУ, створанага ў партнёрстве з IREX Europe і BBC MEDIA ACTION, дзе студэнты атрымліваюць неабходныя прафесійныя навыкі па стварэнні медыя кантэнту ў розных фарматах і рэальны досвед працы.
• Стварэнне крэатыўнага партфоліё — студэнты рэалізуюць уласныя медыяпраекты, фармуючы канкурэнтаздольнае партфоліё для кар’еры ў індустрыі.
• Паступовая моўная адаптацыя — навучанне пачынаецца на рускай мове з інтэнсіўным вывучэннем ангельскай і паступовым пераходам на англамоўныя дысцыпліны, што забяспечвае камфортную інтэграцыю ў міжнароднае акадэмічнае асяроддзе і стварае ўмовы для прафесійнай кар’еры ў транснацыянальных бізнес-кампаніях.
• Міжнароднае акадэмічнае асяроддзе — навучанне ў мультыкультурнай прасторы, якая садзейнічае развіццю міжкультурнай камунікацыі і прафесійных сувязей.
• Глабальныя перспектывы — праграма дае доступ да міжнародных курсаў, акадэмічных абменаў Erasmus+ і GHEA21, а таксама лекцый вядучых экспертаў у галіне медыя і выкладчыкаў прэстыжных універсітэтаў Еўропы і ЗША.
• Магчымасць стажыроўкі ў міжнародных кампаніях і арганізацыях, якія спецыялізуюцца на стварэнні рознага медыя кантэнту.

Вучэбны план праграмы

Праграма «Медыя і камунікацыя» прапануе два фарматы навучання, адаптаваных пад розныя адукацыйныя патрэбы студэнтаў:

• пастаянны (вочны),
• пастаянны сесійны (завочны).

Выпускнікі праграмы «Медыя і камунікацыя» валодаюць комплекснымі ведамі і практычнымі навыкамі ў сферы лічбавых камунікацый і аўдыёвізуальнай вытворчасці, журналістыкі, PR і медыяменеджменту. Гэта робіць іх запатрабаванымі спецыялістамі ў медыяіндустрыі, якая дынамічна развіваецца.

• Менеджэр і прадзюсар медыя-прадуктаў — арганізацыя і прасоўванне кантэнту ў кіно, тэлебачанні, лічбавых і сацыяльных медыя.
• Медыя-аналітык і даследчык — вывучэнне аўдыёвізуальных камунікацый, аналіз медыйных трэндаў і аўдыторыі.
• SMM-спецыяліст — кіраванне сацыяльнымі медыя, распрацоўка digital-стратэгій і кантэнт-маркетынг.
• Спецыяліст па трансмедыйным сторытэлінгу — стварэнне шматплатформенных гісторый і інтэрактыўнага кантэнту для сучасных медыя.
• Журналіст і рэдактар — праца ў друкаваных, анлайн- і вяшчальных медыях, стварэнне навіннага і аналітычнага кантэнту.
• PR-менеджэр — распрацоўка камунікацыйных стратэгій, кіраванне рэпутацыяй і ўзаемадзеянне са СМІ.
• Спецыяліст па радыёжурналістыцы і ТБ-вытворчасці — стварэнне праграм, падкастаў, выпускаў навін і дакументальных праектаў.
• Акадэмічная кар’ера — магчымасць прадоўжыць навучанне ў магістратурах Еўропы і ЗША па напрамках журналістыкі, медыяменеджменту, стратэгічных камунікацый, лічбавых медыя, даследаванняў культуры і візуальных мастацтваў.

Умовы паступлення

Залічэнне на праграму «Медыя і камунікацыя» ажыццяўляецца без уступных экзаменаў, на падставе матывацыйнага сумоўя.

📍 Не ведаеце, з чаго пачаць? Азнаёмцеся з пакрокавымі інструкцыямі для абітурыентаў па спасылцы.
📍 Даведайцеся больш пра кошт навучання, гранты і стыпендыі па спасылцы.