У гэты асаблівы дзень разам збяруцца студэнты, выкладчыкі і супрацоўнікі ЕГУ, каб адзначыць пачатак новага навучальнага года і набрацца натхнення для будучых дасягненняў. Не прапусціце магчымасць адчуць сябе часткай нашай вялікай і дружнай універсітэцкай сям’і!
У святочным мерапрыемстве прымуць удзел ганаровыя госці цырымоніі, кіраўнікі дэпартаментаў і аддзелаў універсітэта.
З прывітальным словам да студэнцкай, акадэмічнай і прафесійнай супольнасці універсітэта звярнецца рэктар ЕГУ, доктар Вілюс Шадаўскас.
Па добрай універсітэцкай традыцыі пасля афіцыйнай часткі цырымоніі адбудзецца разразанне святочнага торта. Гэты жэст сімвалізуе пачатак навучальнага года, багатага на новыя веды, творчыя адкрыцці і выдатныя дасягненні.
Пачатак цырымоніі а 13:00 (па Вільнюсе).
З нецярпеннем чакаем сустрэчы з вамі і спадзяемся, што гэты год будзе яркім, натхняльным і плённым!
