На пачатку ХХ ст. у выніку развалу імперый ва Усходняй і Цэнтральнай Еўропе ўзнік шэраг новых дзяржаў, якія сутыкнуліся з задачай кадыфікацыі нацыянальнай мовы. Сярод іх была і Беларусь. Першым мерапрыемствам па беларусазнаўстве міжнароднага маштаба стала «Акадэмічная канферэнцыя па рэформе беларускага правапісу і азбукі» (Мінск, 1926 год). Асноўнай мэтай канферэнцыі было абмеркаванне рэформы правапісу і азбукі. Працавалі графічная, правапісная, літаратуразнаўчая і іншыя камісіі. Было ўзнята пытанне аб пераводзе беларускай мовы на лацінку.
Канферэнцыя засведчыла набыткі і патэнцыял беларускай справы. Аднак фактычна пасля гэтай канфрэнцыі беларусізацыя пачала згортвацца, беларуская мова русіфікавацца, а нацыянальныя дзеячыі іх творы падвергліся рэпрэсіям.
Мэтай канферэнцыі «Канструкты моўнага будаўніцтва: да стагоддзя Акадэмічнай канферэнцыі 1926 года», з’яўляецца абмеркаванне не толькі ролі і значэння гэтай падзеі, але і шляхоў развіцця акадэмічнай і практычнай беларусазнаўчай гуманітарыстыкі ў 20-21 стст.
Падчас працы канфрэнцыі мяркуцца праца па наступных тэматычных палях:
- Славістыка пачатку XX ст.;
- Станаўленне новых усходне- і цэнтральна еўрапейскіх дзяржаў і праблема дзяржаўнай мовы;
- Акадэмічная канферэнцыя 1926 года: палітычныя, навуковыя кантэксты, спадчына;
- Беларуская мова і беларусістыка ў XX-XXI стст.;
- Замежная беларусістыка;
- Методыка выкладання беларускай і іншых моў як замежных моў у агульнасуветавым кантэксце.
Заяўка для ўдзелу ў канфрэнцыі павінна ўключаць:
- караткое CV (200 словаў), назва дакладу,
- рэзюмэ (не больш за 500 словаў).
Заяўкі прымаюцца да 30 красавіка 2026 года на адрас: kanfierencyja@belarus-institute.cz
Аргкамітэт пакідае за сабой права адбору заявак для ўключэння ў праграму канферэнцыі.
